الجمعة، أغسطس 21، 2015

ليسجد كل المسيحيين





مدونة غيورة القبطية 


ليسجد كل المسيحيين
 

السلام ليكى يا عدرة يا زهرة من الملكوت ---عطرها فواح يحى النفوس

السلام ليكى يا عدرة يا ملكة سماوية --- يا نعمة و بركة لكل البشرية

السلام ليكى ياعدرة يا تقية --- علمينى ازاى ابقى زيكك نقية

علمينى يا عدرة يا نقية يا إم القدوس --- يا من يحبك الرب إيسوس

يا من قدسك و رعاكِ و خلاكى --- مثال حيى لينا و محسوس

يا ملكة احنا بناتك قوليلنا ايه سرك --- مع اللى خلقك و انشأكِ

ترد علينا العدرة و تقول لينا سر مكنون  --- يا ريت نسمعها على طول

أنا كنت فتاة يتيمة مالى حيلة --- عايشة متدارية فى هيكل إلهى

كنت بأشتغل بإيدى الصغيرة --- من غير تعب او شكوى او ملل

كنت بأرتل المزمورو باقول إسمعى --- يا بنتى و اميلى و إذنك ليا على طول

   فكان بيجينى صوته مع وجهه الصبوح --- صوته كان هادى له رنين جميل
 
قالى يا مريم يا محبوبة انا اخترتك اناء ليا --- و ح تكونى إم الغير محسوس

فقلت له يا ربى أنا انسانة ضعيفة --- و عايزة اكون ليك خدامة  على طول

و اتحقق وعده و كان لما جانى الملاك --- و بشرنى بميلاد ابن القدوس

و ساعتها يا صحباتى حسيت بانسحاقى --- امام عظمة روحه القدوس

نزل علىَّ و هو يحوطنى بفرح --- غمرنى و خلانى محمولة على الشيروبيم

و اتحقق الوعد و بقيت إم القدوس الفادى --- لكل البشرية رافعهم الى علو سماه

ده يسوع ربى والمسيح الهى و حبيبى --- و هو كمان ابنى الغالى

يافرحة اللى يقبله و يفتح له قلبه --- و يقوله تعالى يا ربى انا ليك اقبلنى

قوله تعالى و اسكن جوايا و املانى --- من سلامك اللى فاق كل سلام

اجعلنى ليك اناء مختار و اشتغل فيا و بيا --- و علمنى المحبة و الغفران

اطلب يا ابنى و اطلبى يا بنتى --- من يسوع المسيح ربى يعطيكم كل سلام

سلام يسوع المسيح ليكم و لكل بيوتكم --- و سلامه للعالم و لكل مكان

و لتفرح الملايكة و لتسجد لملك السلام --- مع المسيحيين فى ملكوت السماوات

غيورة القبطية


*** 
المزمور 

اسمعي يا بنت و انظري و اميلي اذنك و انسي شعبك و بيت ابيك (مز  45 :  10)